نياشين الدمع بعيوني من بعيد
شما غسل الوجه تتجدد دموعي
وچن فيّ الدمع خضّر على الوجنات
مثل شوك بجزيره وجرحه بضلوعي
ونفوف من الدمع فايح لكل الناس
مثل ريحة مطر متمرده عن طوعي
تشوف الناس كلها احزاني وانت بعيد
ماتفهم حسرتي وطفية شموعي
ومتهمك ضحكتي ولا فرحة العيد
وماهمك بانّك حسرتي ولوعي
بس ارجع واگلك انت حب الروح
ومن همسك يغالي تورّد ربوعي
بقلمي: حسين.
ليست هناك تعليقات:
إرسال تعليق