**** فيــن الضميـــر **** بقلــم الأســـتاذة &&& وفــاء عبــد العــزيـز الزيــات &&&

《《《 فين الضمير 》》》
====================

ياابو الريش إن شالله تعيش
لحم الحمير دبحووووه وأكلناه
رشو زرعنا بالمبيدات وحصدناه
ياابو الريش إن شالله تعيش
حتى العيش صغروه وقبلناه
والتعليم بايظ واتعلمناه 
ياابو الريش إن شالله تعيش
حرب ضروس من كل إتجاه
وناس ماشية بتكلم نفسها ياحول الله
واحد أحواله متكتفة ورب الحق ما بينساه 
يابو الريش إتهنى وعيش
بيموتوا ولادنا على الحدود وإحنا بنلطم الخدود
اخد الحق شطارة
والفهلوة أمارة
وخفة اليد مهارة
عجبك ياابو الريش
كيلو اللحمة بكام والفرخة تدن كوكو كوكو
بيقولو علينا بلد القصب طب فهموني ليه السكر ذاد
شرب الغلابة شوية شاي
معلقتين سكر فى الخمسينة
عجبك ياابو الريش
فاكر يازفت زمان
الخير كان بيعم على الانسان
لا كان فى غل ولا حقد ولا رمانة الميزان
كات الابتسامة على الخد
والوشوش ماليها الضحك
جي دلوقتي ياابو الريش تقولي إتهنى وعيش
ياناس افهموا انا انسان 
ليه حق أعيش واتهنى كمان
لا هبص على غيري ولا عاوز عربية 
ولا شكارة فلوس بس لقمة هنية
آكل وأأكل العيال
ولا إن شالله ماعشت
هو يعني ه مد لسابع جد
المهم مصر بأمان مش مهم انا ياانسان
روح ياابو الريش إن شالله ما تعيش   
=================
تــم النشـــر بتــاريخ
// 17 // 1 // 2017