- ( وعاتبتُ أمى .... فعاتبتْنى )
لســــــه يامَّـــه نازله تشكى
لســـــه يامَّــــه مهــــدتـيش
كل ســــــاعة القـــاكى تبكى
اشكى همــــــــك متـــــداريش
يامَّـــــه قولى ايه حصــل لك
حتى لما مـــــــــات أبـــــــويا
بردوا يامَّـــــــه منســــتيش
يامَّـــه قولى أيــه جـــرا لك
النهارده جـــيت لك أسمـــــع
بس قــــــــولى ومتخـــافيش
ياما شفـــت حـــــاجات كتيـر
فيكى يامَّـــه ما ليها حـــــل
فاكره يامَّــــه يـوم ما كنتى
تيجى جنبى ... وتقــــولى لى
النهــــارده ....خليتها خـــــل
ليـــــه بتضرب بس لـــــوجى
من عمايلك .... قلبـــى مـــل
يا ابنى حاسب ... دول بناتك
أوعى تزرع جوه قلبك أى غل
قلت مـــاشى بس يـــا أمـــــه
من عمايل زفت لوجى قلبى شل
شفتى يامَّـــه عامـــــــــله كيــف
لما لبست توب عروسه فى المحل
ولا سمـســم يــــــــوم مــــا حطت
فـــــوق خـــــــدودها كيـــــلو جــل
انصحيـــهم يامَّــــه عيــــب
ولا عـــــــــايزه الناس تقـول
الحيـــــــــاء من عنـــــده قل
يامَّـــــــــه لاحظى دول بنــات
أى حاجة تاجى منهم بالخسارة
ولا عايزه النـــــــاس تهــــــلل
يوم مماتى ويضربونى بالحجارة
فاكره يـــــامَّـه يوم ما رحـت
على السودان أكتب إعارة
فاكره لــــوجى لمــــــا قــالت
يله أمشى فى ألـــــــف غـارة
هى فــــاكره يعنى يــامَّـــه
إن قولها .......ده شــــطارة
ولمــــــــا بنــت تهين أبوها
فاكره إنو دى حضــــــــــارة
هما دول عـــــــارفين تحضر
ولا دول عايشـــــين فى حارة ؟
مش كفـــــاية بيـــاخدوا منى
كل يـــوم ....... ميــت جنيه
تقولش قــــاعد فى الوزارة
ولا يمــكن عنــــدى بنـــــــك
ولا باملك ...... ميت عمــارة
ما انتى عارفه ... ايه حيلتى
غير هدومى ..... والحمارة
ما تقــولى لى ....بس يامَّه
كيف أشيـــــل عن كتفى هم
ياما قلتـى ........هيـاجى واد
ويوم ما جانى...... جانى غم
صـــــــــــدقينى بس يامَّـه
يــــــــوم ما ألاقى حد عنـدى
وياجى يطلــــب منى حــاجة
غير زواجـــه من بنــــــــاتى
يبقى شخص ما عنـــــده دم
شعر / حمودة المطيرى
ليست هناك تعليقات:
إرسال تعليق