*(*قصيدة::رغم الجراح*)*****
*******
رغم الاسي
رغم الانين
رغم العيون السهرانين
رغم الجراح...
اللي فضلوعي معششين
رغم انكسار القلب
في ليل الضني
رغم الدموع...
اللي فعيوني الدبلانين.
******
رغم الثواني
والدقايق
والساعات
وبرغم عمري اللي انقضي
هجر واهات
وياك سنين.
اهواك ياقطرة ندي
نزلت علي جبين الليالي النعسانين
اخضر تاني العمر
بعد ماشاب وانحني
واتعطرت دنياي
فل وياسمين.
*****
اهواك يانجم ف سما
نور دروب الحيرانين
رغم اللي فات
واللي انقضي
واللي انكتب
يكفيني تقرا حروف نظمها
في ليل الدجي.
قلبي الحزين
*****
*(* شعر::محمودمحمد*)*
ليست هناك تعليقات:
إرسال تعليق