ق/بحبك يامصر
ك/أحمد عبد الرحمن صالح
"
ليه رافضة
مني تقربي
وانتي اللي ساكنه
بالوتين
"
يا مصر فين
راح تهربي
ده الحب مكتوب
عل الجبين
"
دانا مهما اوصف
شوق غرامي
ميكفنيش
فيكِ الحنين
"
انا مصري حر
ودمه حامي
عمري ما نخ
لكدبين
"
مهما قسيتي
في الشدة راجل
راح ينصفك
طول السنين
"
مهما الظلام
فيكِ يعشش
هكون بضهرك
حارس أمين
"
أنا دعوتك
وقت الاذان
يحميك رب
العالمين
"
أنا صوت نخيلك
وقت الغروب
والليل أوانه
لم يحين
"
أنا نهر نيلك
حامل قلوب
تشرب تجيلك
من شوق حنين
"
أنا ليل صيامك
وقت السحور
والنقشبندي
مليان أنين
"
طبلاوي يشجي
منشاوي يبكي
شعراوي
بكلامه الرزين
"
وأذان يأذن
ساعة الفطار
والناس بتدعي
في كل حين
"
رمضان بدارك
خلي النهار
قرأن يسبح
يقول أمين
"
انتي االمنارة
للدين فنارة
محروسة
في كتابه المبين
"
من ده
اللي يقدر يكسرك
وابنك ده
فين
"
انا من عزمتي
هخضرك
بكفاح سلاحه
نور مبين
"
لو فيك طاغي
هيكسرك
راح يبقي عبره
للسنين
"
انا صوت قطز
وقت التتار
أنا عين جالوت
ابنك متين
"
انا صوت بطل
رفض الهزيمة
لعصابة طاغية
مش راح يلين
"
عدوان ثلاثي
والانتفاضة
ده كله
فين
"
انا ابن نيلك
مكتبلي اشيلك
بين نور عينيا
يا ام الحنين
"
انا مهما اكتب
او حتي ادور
علي فيض معاني
راح اجيب منين
"
انتي البلاغة
بين سطر شعري
وغرام بيمحي
ليلي الحزين
"
عايش بإسمك
يا ام الحفاوة
شدة وضَراوة
مش راح تلين
"
أنا بعشقك
بعشق ترابك
يا ام الاماني
بإيمان مكين
"
ليست هناك تعليقات:
إرسال تعليق