ءءءءء بالعراقي ءءءءءء
احاه يا جرحي.. الغفه بنص الدليل.
بسهم ماضي وصار لجروحي دليل.
احاه وهمومي بثكل صخر الجبال..
اصوابك ...من احباب بمتونك.ثجيل.
اكثر الطعنات.... مكتل حتى اموت.
وﻻ عتب مني..... بعد يلكه الجبيل.
هم شفت .....بمتونك تشيله العمر.
وعبريته.... الخطر من ذاك الصليل
يدور الغفﻻت..... ويصيبك اسهام.
ويضحك ...وفرحان من شافك جتيل.
ما يمرن....... بيه من جان بذراك.
يلتحف ......ومن البرد د ومه عليل.
عفيه هيجي اكلوب صلفه وما تلين
ما يهزها المستحه....وذاك الجميل
صدك هذا ....الوكت من اخر زمان.
نعيشه صدمات ودرب خالي طويل.
الف يا حيف العتب ضاع وي ناس
من يشوفك طحت يسحك بيك حيل
ﻻ.اكو خوف .....وحيا بهذا الزمان.
حتى من ونيتله ....بضيمه الثجيل.
ومن تشيله وتعبر.... بذاك الظﻻم
يرفسك بكلبك..... اذا شافك تميل.
احاه جم اصواب..... يا هذا الزمان
وجم من الحسبات.من عدهم نشيل
ليست هناك تعليقات:
إرسال تعليق