العاشر من رمضان ( أشعار : كرم محمد )
يوم عشرة من رمضان
و فى الصيام وسط النهار
طار فى السما اقوى نسور
و عدا القناة أسد جسور
هزم عدو بقوته كان مغرور
يوم عشره من رمضان
يوم غير كل ميزان
و رجعنا تانى للإيمان
يوم ما قولنا الله اكبر
على كل طاغى ببتكبر
عبرنا القناة و عدينا
و لسينا وصلت رجلينا
و أقوى الحصون دكينا
يوم عشرة من رمضان
عرف العالم إحنى مين
و مين هم المصريين
كانت المدافع بتتكلم
و كل العالم بيتعلم
يعنى ايه عزم و ارادة
يعنى ايه أرض و كرامة
يوم عشرة من رمضان
كل العالم أدى تحية
للعسكرية المصرية
يوم عشرة من رمضان
يوم العزة و الكرامة
يوم النصر و الارادة
يوم العاشر من رمضان
اتحفر جوا القلوب
و فى ذاكرة الشعوب
و اتعرف العدو م المحبوب
من المحيط حتى الخليج
وقف وقفه من حديد
# العاشر من رمضان
# أشعار : كرم محمد
ليست هناك تعليقات:
إرسال تعليق