بلدى
بحبك موت يابلدى
بحبك موت
ولو ابعد فى يوم عنك
كأنى بموت
بحب نهارك الزحمه
وبتونس فى وسط الناس
وبعشق ليلك الهادى
واضواؤه اللى زى الماس
بدوب مع أدان المدنه
وجرس فى كنيسه بيدوى
وقلوب عمرانه بالتقوى
لربها رايحه تصلى
بحب الشمعه فى فانوسها
مع الاولاد فى ليل رمضان
وافرح بالكعك يوم العيد
ولمة عيلتى والجيران
وآه فى سهره مع صحبه
على مركب فى حضن النيل
وعود وكمنجه مع طبله
ومغنى يقول اجمل مواويل
يابلدى بحبك ومصالحك
وساعات اعارضك لمصالحك
لكن لو مس غريب ارضك
فداكى اموت بحبك موت
امال بدر
ليست هناك تعليقات:
إرسال تعليق