( ياطير)
بقلمي: حسين ابراهيم
ياطير
ياأللي في قفص صدري
سجين أنا جواك وألا
أسيرأنت جوايا
ملهوف زي عالحرية
وبتجري..
خايف عليك تقع في الأسر
من تاني..
لا نور الصبح جه بدري
ولا قمر ظهر في سمايا
مالأسر لو أحررك
طب مين من سجني
يحررني...
ومين يسمع شكوتي
ويحس بأسايا
خدني علي جناحك
بره سجني خرجني
وحلق في الفضا معايا
ياطير
أنا باضحكلك من ورا حزني
وضحكة الحر دي دوايا
ياطير
طير وخد معاك ألمي
أرميه بعيد
وأبعد أنت عن عيني
عشان أسرك بيأذيني
ياطير
مش عايز أشوفك يوم
مظلوم
كفاية أنا الناس
بتظلمني
حابسيني جوا نفسي
ومالحرية حارميني...
ليست هناك تعليقات:
إرسال تعليق