بلاد الله
بلاد الله لخلق الله
وانا واحد من الاغراب
فماتردّش غريب جالك
ودق بايده ع الابواب
دانا لِيّه وطن وحدود
وغيط ممدود
وبيت واسع بألف عمود
ماردّش حد لاذ بالباب
عشان الدنيا غدارة
يا ابو الاحباب
ساعات تلبسلك الوردي
وساعات تلبس
سواد وهباب
ساعات تكدب
ساعات تصدق
ساعات تحضنها
تلقى سراب
عشان الدنيا غدّارة
يا ابو الاحباب
انا دوقت العسل م الكهف
شربت الشهد عقلي لفّ
زهدت الدنيا بفلوسها
وضيقه وحقد ف نفوسها
تركت ورايا اتباعي
وناس توجعها اوجاعي
وناس موجوده
ف حياتي بلا داعي
وقولت أمشي ف بلاد الله
أقابل فيها خلق الله
وأجرب عيشة الاغراب
فماتردش غريب جالك
ودق بايده ع الابواب
مستر عادل أبو زيد
ليست هناك تعليقات:
إرسال تعليق