دارت بينا الأيام................ ونسينا اللي جرحنا
بعد ما باع هوانا.................وبهجره لينا دبحنا
ليه يا قلبي تعيده تاني.. دا احنا ما صدقنا ارتاحنا
كفاية علينا الآلام ............ ما تسبنا زى ما إحنا
متقولشي نرمي سلام....... خلينا واقفين مطرحنا
بلاش تبقى اناني .............وتاخدني لجرح تاني
الحب كلمة نسيتها..........وياريتها كمان تنساني
دي قصة هجره ليا ..............تتغنى في الاغاني
خليك يا قلبي في مكانك......وخليني واقف مكاني
بكرة الايام دي تمر..........ويروح زمنك وزماني
لا في يوم هيرجع شبابي.......ولا حب هيدق بابي
ولا حتى اللي هويته .........هيحس بطول غيابي
اللي بعمري اشتريته........... وهان عليه عذابي
عشان كدا يا قلبي..........أنا قولت اعمل حسابي
&&&&&&&&&&&&&&&&&&&&&&
بيبو البدر الساطع.................كلمات تم توثيقها
ليست هناك تعليقات:
إرسال تعليق