ق/بالسلامة خلاص ياقلبي
ك/أحمد عبد الرحمن صالح
..............................
يا حبيبي ..
.............
لما كنت في حضن قلبي
ليه مقلتش
إني شمسك راح تغيب
.............................
ليه مقلتش إني حلمك
فجر كاذب
ليل ومستني المغيب
..............................
ليه خدعت سنين في قلبي
كنت فكراك الطبيب
..............................
لما قلبي قال بحبك
قُلت حبيت النصيب
..............................
خدتني من وسط جنة
وأنت ناوي إنك تسيب
..............................
قُلتي يمكن قدرنا
شوق يدور عل الحبيب
..............................
مفتكرتش ليه مصيرنا
يلي بفتكرك قريب
..............................
كل حاجة ضايعة مني
والنهارده بقيت غريب
..............................
كنت بوهم نفسي إنك
مستحيل تقدر تسيب
..............................
النهارده بعد غدرك
افتكر تقدر تغيب
..............................
يلا سبني بالسلامه
يلي ضيعت الحبيب
..............................
ملكية فكرية مسجلة/
رقم الايداع 213/2017
I.S.B.N.174-0122-456-11
ليست هناك تعليقات:
إرسال تعليق